تلنگانہ کی وزیر تعلیم سبیتا اندرا ریڈی نے رنگاریڈی ضلع کی جل پلی بلدیہ کے ایک بڑے تالاب میں 1 لاکھ 15 ہزار مچھلیوں کو چھوڑا جائےگا۔ اس موقع پر انہوں نے کہاکہ ریاستی حکومت ماہی گیروں کی معاشی ترقی کے لیے اقدامات کر رہی ہے۔ ہر سال مفت مچھلیوں کو چھوڑنے کا کام کیا جارہا ہے۔ انہوں نے کہا کہ اس سال بھی مچھلیوں کو تالاب میں چھوڑنے کا ہدف بنایا گیا ہے جس کی تکمیل کی مساعی کی جارہی ہے۔ Economic Development of Fishermen in Telangana
انہوں نے کہا کہ ضلع رنگاریڈی میں مختلف تالابوں میں تقریبا 16لاکھ مچھلیوں کو چھوڑا جائے گا جبکہ جل پلی بلدیہ کے تالابوں میں ایک لاکھ 15 ہزار مچھلیوں کو چھوڑنے کا کام انجام دیاجائے گا۔ انہوں نے کہاکہ تالابوں کی سطح میں اضافہ کے ساتھ ہی مچھلیوں کو چھوڑنے کے کام انجام دیئے جارہے ہیں۔ حکومت ماہی گیروں کی بہتری کے لیے کام کر رہی ہے۔ وزیراعلی کے چندرشیکھر راؤ نے تلنگانہ کو ریاست کا درجہ ملنے کے بعد تمام ذاتوں کے آبائی پیشوں کے فروغ کیلئے اقدامات کئے ہیں۔اس مقصد کے لئے کئی پروگرام شروع کئے گئے ہیں۔ چندرشیکھرراو نے وزیراعلی بننے کے بعد مشن کاکتیہ کے ذریعہ ریاست بھر کے تالابوں کی مرمت کے کام کئے۔ اس پروگرام میں جل پلی میونسپلٹی کے چیئرمین عبداللہ سعدی،جل پلی کمشنر سدرشن اور دوسرے موجود تھے۔Telangana Government on Fishermen Development
