تیلگو دیشم کے صدر چندرا بابو نائیڈو نے کہا کہ آندھراپردیش میں بی سی کمیونٹی کی سماجی اور معاشی ترقی پچھلے دو سال سے نہیں ہورہی ہے۔ اس سلسلے میں انہوں نے وزیراعلیٰ جگن کو خط لکھا جس میں انھوں نے طبقے کے مفادات کا تحفظ کرنے پر زور دیا۔
بابو نے کہا کہ وہ حکومت کے جی او 217 کے خلاف ہیں جو ماہی گیروں کے روزگار کے لیے نقصان دہ ہے۔ انھوں نے خط میں لکھا کہ اس جی او نے ماہی گیروں کے وسائل کچھ لوگوں کے سپرد کردیے ہیں۔
یہ بھی پڑھیں:کووڈ کی وجہ سے کئی شعبۂ جات کو نقصان اٹھانا پڑا: وزیر تعلیم تلنگانہ
چندرا بابو نے مزدوروں اور کاریگروں کے مفادات کا تحفظ کا مطالبہ کیا۔ انہوں نے کہا جی او نمبر 217 کو فوری طور پر منسوخ کیاجائے جو کہ ماہی گیروں کےلیے نقصان دہ ہے۔
تالابوں، نہروں اور آبی ذخائر کے مکمل حقوق ماہی گیر سوسائٹیز کے حوالے کیے جائیں۔ حکومت ان ماہی گیروں کی مدد کرے جو ماہی گیری سے روزی کماتے ہیں۔ انہوں نے یاد دلایا کہ حکومت کی ذمہ داری ہے کہ وہ سماجی اور معاشی طور پر کمزور طبقات کو سہارا دے جو کہ دستکاری اور مزدوری پر انحصار کرتے ہیں۔
