تلنگانہ کے وزیراعلیٰ کے چندر شیکھر راؤ نے بھومی پوجا میں شرکت کی اور دارالحکومت حیدرآباد میں منگل کو تین تلنگانہ انسٹی ٹیوٹ آف میڈیکل سائنسز (ٹی آئی ایم ایس) کے سپر اسپیشلٹی اسپتالوں کا سنگ بنیاد رکھا۔ CM KCR Inaugurate 3 Super Speciality Hospitals In Hyderabad۔ تین TIMS الوال، گڈیانرام اور ایراگڈہ میں بنائے جائیں گے جس کے لیے ریاستی حکومت نے پہلے ہی 2,679 کروڑ روپیے منظور کیے ہیں۔ الوال میں یہ سہولت 28.41 ایکڑ پر پھیلی ہوئی ہے ،اور اسے G+5 پیٹرن میں Rs. 897 کروڑ روپیے ہے، اور گڈیانرام میں اسپتال 21.36 ایکڑ اراضی پر تعمیر کیا جائے گا جس کی تخمینہ لاگت G+14 پیٹرن میں 900 کروڑ روپیے ہوگی۔
ایراگڈا میں یہ سہولت 60 ایکڑ اراضی پر تعمیر کی جائے گی اور یہ 14 منزلہ اسپتال 882 کروڑ روپیے کی تخمینہ لاگت سے تعمیر کیا جا رہا ہے۔ ہر اسپتال میں خصوصی اور سپر اسپیشلٹی مریضوں کی دیکھ بھال کی خدمات فراہم کرنے کے لیے 1,000 بستر ہوں گے۔ اس کے علاوہ آل انڈیا انسٹی ٹیوٹ آف میڈیکل سائنسز کی طرز پر تینوں TIMS میں نرسنگ اور پیرا میڈیکل کورسز کے ساتھ اسپیشلٹی اور سپر اسپیشلٹی کورسز میں طبی تعلیم فراہم کی جائے گی۔ الوال، گڈینارام اور ایراگڈا میں TIMS کا افتتاح ہو جانے کے بعد حیدرآباد میں چاروں طرف ہسپتال ہوں گے کیونکہ TIMS-Gachibowli پہلے سے ہی کام کر رہا ہے۔ وزیر صحت ٹی ہریش راؤ،سبیتا اندرا ریڈی، ٹی سرینواس یادو، محمد سلیم، ہنمنت راؤ اور دیگر بھی چیف منسٹر کے ہمراہ تھے۔
تلنگانہ حکومت نے پورے شہر حیدرآباد میں اسپتالوں کے قیام کے لیے 2679 کروڑ روپیے مختص کیے ہیں۔ یہ ہسپتال خود مختار اداروں کے طور پر کام کریں گے۔ ریاستی محکمۂ صحت نے کہا کہ یہ نئے اسپتال جو شہر کے چاروں طرف بنائے جارہے ہیں ، شہر اور ریاست کے مختلف حصوں سے آنے والے مریضوں کا وہ بڑا بوجھ تقسیم کریں گے جو گاندھی اسپتال، این آئی ایم ایس، اور عثمانیہ اسپتال کوروزانہ پیش آتا ہے۔
