اندراکرانتی پدکم کراپ سنٹر کھولنے کا مطالبہ کرتے ہوئے تلنگانہ کے سدی پیٹ ضلع میں کسانوں نے احتجاج کیا۔ضلع کے مدورمنڈل کے بائرن پلی دیہات میں یہ احتجاج کیاگیا۔
کسانوں نے اس موقع پر میڈیا سے بات کرتے ہوئے ان کے دیہات میں ہنوز آئی کے پی سنٹر کو قائم نہ کرنے پر برہمی کااظہار کیا۔
انہوں نے کہاکہ خریداری کے مرکز پر دھان کو لاکر دس دن ہوگئے ہیں تاہم اب تک کسی بھی عہدیدار نے اس پرتوجہ مرکوز نہیں کی۔
انہوں نے مطالبہ کیا کہ اس سنٹر کو فوری قائم کرتے ہوئے دھان کی خریداری کا آغاز کیاجائے۔اس موقع پر ہلکی کشیدگی پھیل گئی۔اس احتجاج کی اطلاع کے ساتھ ہی پولیس کی بڑی تعداد وہاں پہنچ گئی۔پولیس نے ان کسانوں کو سمجھانے کی کوشش کی۔
یہ بھی پڑھیں:حیدرآباد: محبت میں رکاوٹ، باپ کا قتل کرنے والی لڑکی اور اس کا عاشق گرفتار
یو این آئی
