ریاست میں ٹی ایس پی ایس سی کے سوالیہ پرچوں کے لیک ہونے کا معاملہ ریاست میں پہلے سے ہی موضوع بحث ہے، وہیں 10ویں جماعت کے پیپر لیک ہونے کے واقعات سے کشیدگی میں مزید اضافہ ہوا ہے۔ گذشتہ روز ہندی کا سوالیہ پرچہ امتحان شروع ہونے سے چند لمحہ قبل ہی واٹس ایپ پر وائرل ہوگیا۔ اطلاعات کے مطابق ہندی امتحان کا سوالیہ پرچہ ورنگل میں لیک ہوا۔ تھا، جو بحث کا موضوع بن گیا ہے۔ تازہ ترین واقعات کو سنجیدگی سے لیتے ہوئے ریاستی حکومت نے تحقیقات کے لیے ٹیم تشکیل دی ہے۔
وزیر تعلیم سبیتا اندرا ریڈی نے اس معاملے سے متعلق عہدیداروں سے معلومات حاصل کیں۔ انہوں نے ورنگل اور ہنمکنڈہ کے ڈی ای او سے بات کی اور تفصیلات حاصل کیں۔ دسویں جماعت کے امتحانات کے پہلے دو پرچوں کے افشا کے بعد سبیتا اندرا ریڈی نے ٹوئٹر پر اپنے سخت ردعمل کا اظہار کیا۔ انہوں نے محکمہ تعلیم کے عہدیداروں اور اساتذہ کو ذمہ داری سے اپنی ڈیوٹی انجام دینے کا مشورہ دیا۔ انہوں نے کہا کہ پیپر لیک معاملہ میں ملوث افسران کو فوری طور پر معطل کردیا گیا۔
مزید پڑھیں:تلنگانہ: 8 جون سے دسویں کے امتحانات کا آغاز
