حیدرآباد کلکٹریٹ کے روبرو احتجاج کررہے احتجاجی کارکنوں کے ہاتھ میں پلے کارڈس تھے جس میں لکھا ہوا تھا کہ ہر خاندان کو حکومت 6 ماہ تک 7500 روپئے کی مالی امداد فراہم کرے، ساتھ ہی 15 کیلو چاول و کرانہ دکان کی اشیا بھی ہر خاندان کو 6 ماہ تک مفت دی جائیں۔
احتجاجیوں نے میڈیا سے بات کرتے ہوئے الزام لگایا کہ بی جے پی زیرقیادت مرکزی حکومت دستور کے خلاف کام کررہی ہے اور کہا کہ کورونا وبا کے دور میں مخالف عوام فیصلے کئے جارہے ہیں۔
انہوں نے کہاکہ کورونا وبا کی روک تھام میں ریاستی اور مرکزی حکومتیں ناکام ہوگئی ہیں۔ انہوں نے بیروزگار کو بے روزگاری کا الاونس بھی فراہم کرنے پر زور دیا۔
