حیدرآباد: جیل کے انہدامی کاموں کا تلنگانہ کے وزراء نے معائنہ کیا

ورنگل سینٹرل جیل کے علاقہ میں وزیراعلیٰ کے چندر شیکھر راؤ 21 تاریخ کو ایم جی ایم سُپر اسپشالٹی اسپتال کی تعمیر کا سنگ بنیاد رکھیں گے۔

حیدرآباد: تلنگانہ کی وزیر ستیہ وتی راتھوڑ اور ای دیاکر راؤ نے آج ورنگل سینٹرل جیل کے علاقہ کا معائنہ کیا جہاں سُپر اسپیشیالٹی اسپتال کی تعمیر کی جائے گی۔

اس دوران ان کے ساتھ سرکاری وہپ ونے بھاسکر بھی تھے۔ اس ماہ کی 21 تاریخ کو وزیراعلیٰ کے چندر شیکھر راؤ ایم جی ایم سُپر اسپیشیالٹی اسپتال کی تعمیر کا سنگِ بنیاد رکھیں گے۔

وزراء نے عہدیداروں کو ہدایت دی کہ وہ جلد ہی اس جیل کے انہدام اور اس کے ملبہ کی صفائی کے کام کو انجام دیں۔ جیل کے عہدیداروں نے کاموں کی تفصیلات سے دونوں وزراء کو واقف کروایا۔