انہوں نے حکومت کی جانب سے آر ٹی سی ملازمین کی معطلی کے اقدام پر وزیراعلیٰ پر شدید نکتہ چینی کی۔
انہوں نے کہا کہ 'تلنگانہ تحریک میں آر ٹی سی ملازمین نے چندر شیکھر راؤ کا بھر پور ساتھ دیتے ہوئے نمایاں کردار ادا کیا تھا، جس کا انہیں یہ صلہ دیا گیا'۔
تلنگانہ: کانگریسی رہنما کی حکومت پر نکتہ چینی
رواں ماہ کی تنخواہوں کی عدم ادائیگی پر افسوس کا اظہار کرتے ہوئے ہنمنت راؤ نے کہا کہ 'آر ٹی سی ملازمین کے افراد خانہ کو تہوار کی خوشیوں سے محروم رکھتے ہوئے وزیراعلیٰ اپنے گھر میں دسہرہ تہوار کی تیاریاں کر رہے ہیں'۔
سابق رکن پارلیمان نے کے سی آر سے سوال کیا کہ 'کیا اسی دن کے لیے تلنگانہ تشکیل دیا گیا کہ تحریک میں شامل ملازمین سے ان کی ملازمتیں چھین لی جائیں؟'
ہنمنتھا راؤ نے کے سی آر کو انتباہ دیا کہ حضور نگر ضمنی انتخابات سے قبل وہ ملازمین سے مصالحت کرلیں ورنہ شکست کے لیے تیار رہیں۔
