حیدرآباد: بی آر ایس کے کارگزار صدر اور وزیر کے ٹی راما راؤ نے کانگریس اور بی جے پی پر سخت حملہ کرتے ہوئے انہیں کرپشن کی علامت قرار دیا۔ انہوں نے کہا دونوں نے آزاد بھارت کو سات دہائیوں سے زائد عرصے تک ملک کو لوٹا۔ انہوں نے کہا کہ دونوں جماعتیں اپنی نااہل حکمرانی اور کرپٹ انتظامیہ کی وجہ سے بدنام ہو چکی ہیں۔ راما راؤ نے کہا کہ اے آئی سی سی کا مطلب "آل انڈیا کرپشن کمیٹی" ہے، جب کہ بی جے پی "بھرشتاچار جنتا پارٹی" کا مترادف بن گئی ہے۔ انہوں نے کہا کہ حکمرانی میں دونوں پارٹیوں کی ناکامیاں ملک کے ساتھ ساتھ تلنگانہ کو ایک لعنت کی طرح پریشان کرتی رہیں۔
وزیر موصوف نے کہا کہ بی جے پی، بی آر ایس کو اے آئی ایم آئی ایم کا اتحادی قرار دے کر بالواسطہ حربے اپنا رہی ہے۔ اسی طرح انہوں نے الزام لگایا کہ کانگریس بی آر ایس کو بی جے پی کی اتحادی قرار دے کر اسے کمزور کرنا چاہتی ہے۔ کے ٹی آر نے اس بات پر زور دیتے ہوئے کہا بی آر ایس پارٹی کا مطلب بھارت رائتھو سمیتی ہے، راما راؤ نے کہا کہ پارٹی کسانوں اور تلنگانہ کے لوگوں کی بھروسے مند اتحادی ہے۔ انہوں نے کہا کہ ہمارا ہر پروگرام نیک نیتی پر مبنی ہے، ہمارے فیصلے پرعزم، وزیر اعلیٰ ایماندار اور مزید یہ کہ حکومت مکمل طور پر جوابدہ ہے۔
یہ بھی پڑھیں: Telangana Road Accident سڑک حادثہ میں پندرہ افراد زخمی
کے ٹی آر نے دعویٰ کیاکہ تلنگانہ میں بی آر ایس کی نو سالہ حکومت قابل ستائش ہے۔ اور انہیں یقین ہے کہ آنے والے اسمبلی انتخابات کے نتائج دھماکہ خیز ہوں گے کیونکہ تلنگانہ کی ترقی کا ماڈل قومی سطح پر اثر انگیز ہے۔
