عالمی وبا کرونا وائرس سے جہاں لاکھوں اموات ہورہی ہیں وہیں، دوسری جانب چھوٹے تاجرین کو کافی مشکلات کا سامنا کرنا پڑا ہے۔
دیڑھ سال سے مسلسل لاک ڈاؤن کی وجہ سے بڑے اور چھوٹے کاروباری پرشان حال میں ہیں۔
حیدرآباد کے علاقہ ٹولی چوکی کے رہنے والے جہانگیر قادری جس کی ٹولی چوکی چوراہے پر کپڑے کی دوکان تھی۔ انہوں نے بتایا کہ نوٹ بندی اور لاک ڈاؤن نے مجھے بن مسکا، سموسہ، اور دیگر اشیا فروخت کرنے پر مجبور کردیا ہے۔
انہوں نے بتایا کہ ٹولی چوکی چوراہے پر گذشتہ کئی سالوں سے کپڑے کے کاروبار تھا جس میں 4 سے 5 لوگ کام کرتے تھے لکین لاک ڈاؤن کی وجہ سے لاکھوں روپے کا نقصان ہوگیا ہے اور دوکان بند ہوگئی کپڑے کے کاروبار میں روزانہ 4 ہزار سے زائد آمدنی ہوتی تھی۔
انہوں نے کہا کہ اب بن مسکا اور سموسہ فروخت کر کے مجھے 500 روپے کی آمدنی ہوتی ہے۔ وہ روزانہ مختلف علاقوں میں چکر لگا کر کاروبار کرتے ہیں۔
