وزیر اعلیٰ کے سی آر 2 اگست کو ناگرجنا ساگر حلقہ کا دورہ کریں گے۔ اس سلسلے میں وزیراعلیٰ مذکورہ حلقے کی پیشرفت کے جائزہ اجلاس میں بھی حصہ لیں گے۔ ذرائع کے مطابق وزیراعلیٰ کے سی آر ساگر ضمنی انتخاب میں دی گئی یقین دہانیوں پر تبادلہ خیال کریں گے۔
بتایا جارہا ہے کہ ساگر ضمنی انتخاب کے تناظر میں، ناگرجنا ساگر، حضورنگر اور مریال گوڑہ میں ترقی کے تمام منصوبے مکمل ہوں گے۔ یہ جائزہ اجلاس ترقیاتی اسکیموں پر تبادلہ خیال کرنے کا ایک موقع ہے۔
یہ بھی پڑھیں:'دلت بندھو ایک پروگرام نہیں ہے بلکہ ایک تحریک ہے'
انتخابات سے پہلے اس حلقے کی ترقی کے لیے بہت سارے ترقیاتی پراجکٹس کا اعلان ہوسکتا ہے۔ وزیراعلیٰ عوامی نمائندوں سے حلقہ کی ترقی پر تبادلہ خیال کرنے کے لئے تیار ہیں۔
وزیراعلیٰ کا دورۂ ناگرجنا ساگر اہمیت کا حامل ہے۔ دوسری جانب کانگریس اور بی جے پی بھی ضمنی انتخاب میں جیت کے لیے حکمتِ عملی ترتیب دے رہے ہیں۔
