دوباک میں شکست اور گریٹر حیدرآباد میونسپل انتخابات میں کم سیٹیں آنے کے بعدوزیراعلی آئندہ ریاست میں منعقد ہونے والے تمام انتخابات میں پارٹی کو کامیاب بنانے کے لئے خصوصی حکمت عملی اختیار کررہے ہیں۔
انھوں نے ضلع نلگنڈہ کے ٹی آر ایس قائدین کا پرگتی بھون میں اجلاس منعقد کرتے ہوئے تازہ سیاسی صورتحال کا جائزہ لیا۔ جہاں پر کانگریس کے امیدوار سینئر رہنما جانا ریڈی کا طاقتور موقف ہے۔ وزیراعلی نے پارٹی رہنماوں کو مشورہ دیا کہ وہ ناگرجنا ساگر ضمنی انتخابات کو آسان تصور نہ کریں۔ بلکہ اتحاد کا مظاہرہ کرتے ہوئے پارٹی امیدوار کو کامیاب بنانے کے لئے ہر قائد سرگرم عمل رہے۔ وہ خود اسمبلی حلقہ ناگر جنا ساگر کا 10 فروری کو دورہ کریں گے۔
وزیر اعلی صبح 10 بجے ناگر جنا ساگر پراجکٹ کا معائنہ کریں گے۔ 12.30 بجے 9 لفٹ اریگیشن پراجکٹس کا سنگ بنیاد رکھیں گے۔ اس کے بعد جلسہ عام سے خطاب کریں گے۔
ٹی آر ایس حکومت ناگرجنا ساگر میں کامیابی کیلئے ہرممکن کوشش کررہی ہے ۔حالیہ بلدی انتخابات میں پارٹی کی ناکامی کے بعد ٹی آر ایس بہت محتاط ہے۔
