آندھراپردیش کی اصل اپوزیشن تلگودیشم پارٹی کے قومی صدر این چندرا بابو نائیڈو نے انسانی ہمدردی کا مظاہرہ کرتے ہوئے سڑک حادثہ میں زخمی افراد کو اسپتال بھجوایا۔ تفصیلات کے مطابق وجے نگرم ضلع میں چکورو پلی کے حدود میں کل شب پیش آئے سڑک حادثہ میں دو افراد شدید زخمی ہوگئے۔ اسی دوران اپنا روڈ شو ختم کرنے کے بعد وشاکھاپٹنم جاتے ہوئے چندرا بابو نائیڈو نے سڑک پر حادثہ کا شکار زخمیوں کو دیکھ کر اپنی گاڑیوں کا قافلہ رکوایا۔ انہوں نے فوری طور پر اپنی گاڑیوں کے قافلہ میں موجود ایمبولنس کے ذریعہ زخمیوں کی ہسپتال منتقلی کو یقینی بنایا۔ ساتھ ہی انہوں نے مقامی تلگودیشم کے لیڈروں سے بات چیت کرتے ہوئے زخمیوں کے بہتر علاج کو یقینی بنانے کی ہدایت دی۔ Chandrababu Naidu Helped Injured
یو این آئی
