حیدرآباد: مرکزی وزیر سیاحت وصدرتلنگانہ بی جے پی کشن ریڈی نے اعلان کیا کہ مرکزی محکمہ ثقافت 17 ستمبر کو حیدرآباد کے پریڈ گراؤنڈ میں یوم آزادی تلنگانہ کو بڑے پیمانہ پر منائے گا۔میڈیا سے بات کرتے ہوئے انہوں نے اس بات پر زور دیا کہ 17 ستمبر کو نظام کی آمرانہ حکومت سے حیدرآباد کی آزادی کی یاد میں قومی پرچم بلند کیا جائے گا۔ انہوں نے اس بات پر افسوس کا اظہار کیا کہ اس دن کی تاریخی اہمیت کے باوجود گزشتہ 75 سالوں سے تلنگانہ میں یوم آزادی تلنگانہ سرکاری طور پر نہیں منایا جاتا ہے۔
انہوں نے کہا کہ بی جے پی گزشتہ 25 سالوں سے تلنگانہ آزادی کی تقاریب کو سرکاری طور پر منانے کی وکالت کر رہی ہے تاہم پچھلی کانگریس حکومت اور موجودہ بی آر ایس حکومت سمیت یکے بعد دیگرے حکومتوں نے ان تقاریب کے انعقاد میں دلچسپی نہیں دکھائی۔انہوں نے کہاکہ گذشتہ سال آزادی کا امرت مہوتسو کے ایک حصہ کے طور پر، بی جے پی نے سرکاری طور پر مرکزی حکومت کی سرپرستی میں یوم آزادی تلنگانہ کی تقاریب کا اہتمام کیا تھا جس میں ترنگا پرچم لہرایا گیا تھا۔
یہ بھی پڑھیں: Hyderabad Police حیدرآباد پولیس کی محاصرہ کرکے تلاشی مہم، فنکشن ہال میں ہوٹل کے نام سے ڈائننگ ہال کا انکشاف
کشن ریڈی نے سوال کیا کہ تلنگانہ تحریک کے دوران تلنگانہ کی آزادی کی وکالت کرنے والی بی آر ایس پارٹی نے اپنے 9سالہ دور حکومت میں ان تقاریب کو ترجیح کیوں نہیں دی؟ انہوں نے وزیراعلی کے چندرشیکھرراوپر زور دیا کہ وہ ا س تقریب کو باضابطہ طور پر منعقد کریں۔
یو این آئی
