آندھراپردیش کے وشاکھاپٹنم میں پیش آئے سڑک حادثہ کے دوران بڑے پیمانہ پر منشیات کے گروہ کا پتہ چلا۔ تفصیلات کے مطابق ضلع کے آنند پورم منڈل کے قریب واقع نیلاکونڈاجنکنش پر وین کے ڈرائیور نے توازن کھودیاجس کے نتیجہ میں یہ وین، ٹہری ہوئی لاری سے ٹکراگئی۔اس حادثہ کے بعد اُلٹی ہوئی وین میں موجود 57تھیلوں سے 2280کیلوگانجہ پایاگیا۔ Cannabis seized in Visakhapatnam. اس واقعہ کی اطلاع کے ساتھ ہی پولیس فوری حرکت میں آگئی۔ اس نے گاڑی کے انجن نمبر اورچیسس کی مدد سے اس گاڑی کے مالک کا پتہ چلانے کی کوشش کی کیونکہ گاڑی کا نمبرپلیٹ نہیں تھا اور اس حادثہ کے بعد گاڑی کا ڈرائیور فرار ہونے میں کامیاب رہا۔پولیس، اس کو پکڑنے کی کوشش کررہی ہے۔اس گانجہ کی مالیت تقریبا دو کروڑروپئے بتائی جاتی ہے۔پولیس وین کی تفصیلات حاصل کرنے کے لئے محکمہ ٹرانسپورٹ کے عہدیداروں سے مدد حاصل کررہی ہے۔پولیس کو ابتدا میں یہ پتہ چلا ہے کہ یہ گاڑی، نانی بابو کے نام پر درج ہے جس کا تعلق مُنچوگی پٹو منڈل سے ہے۔
یو این آئی
