حیدرآباد کی کمپنی بائیولوجیکل ای ہندوستان نے سب سے کم قیمت پر کورونا کا ٹیکہ فراہم کرنے کی تیاری کررہی ہے۔
کمپنی کے ”کوربیوکس“ کے دو ڈوز 500روپے میں فراہم کرنے کا منصوبہ بنا رہی ہے۔اس ٹیکہ کے انسانوں پر تیسرے مرحلہ کے تجربہ کا کام جاری ہے حالانکہ اس کو ہنوز ہنگامی صورتحال میں استعمال کی اجازت نہیں ملی ہے۔
مرکزی وزارت صحت نے حیدرآباد کی اس کمپنی سے 30 کروڑ ٹیکوں کا آرڈر دیا ہے۔ اس ٹیکہ کے انسانوں پر پہلے اور دوسرے مرحلہ کے تجربہ کے بہتر نتائج سامنے آئے ہیں۔
بائیولوجیکل ای کی جانب سے تیار ٹیکے توقع ہے کہ آئندہ چند ماہ میں دستیاب ہوجائیں گے۔
