تلنگانہ کے وزیر داخلہ محمد محمود علی نے نامپلی حلقہ اسمبلی میں مناورو منا بڈی پروگرام کے تحت وجے نگر پرائمری اسکول کا افتتاح انجام دیا۔ اس موقع پر رکن اسمبلی نامپلی جعفر حسین معراج، ایم ایل سی پربھاکر راؤ، کونسلرز، ڈی ای او، ڈپٹی ای اوز اور مختلف محکمہ جات کے عہدیدار کے علاوہ سیاسی رہنماؤں کی بڑی تعداد موجود تھی۔ Badi Bata Program
محمود علی نے میڈیا سے بات کرتے ہوئے مناورو منابڈی پروگرام کےلیے سات ہزار دو سو کروڑ روپئے جاری کرنے پر کے سی آر کی ستائش کی اور شکریہ ادا کیا۔ انہوں نے کہا کہ ریاستی حکومت دو اہم شعبوں کی سمت توجہ مبذول کئے ہوئے ہیں جن میں تعلیم اور صحت کا شعبہ شامل ہے۔ انہوں نے کہا کہ سابق میں سرکاری اسکولز کی ترقی و بنیادی سہولتوں کی فراہمی کےلیے کچھ بھی نہیں کیا جاتا تھا جس سے معیار تعلیم پر فرق پڑ رہا تھا۔
یہ بھی پڑھیں:
Disha Encounter: دیشا انکاؤنٹر فرضی تھا، سرپورکر کمیشن کی رپورٹ میں انکشاف
انہوں نے کہا کہ ٹی آر ایس حکومت اسکولز کی ترقی و بنیادی سہولتوں کی فراہمی کےلیے خاطر خواہ بجٹ ریلیز کیا ہے جس کی وجہ سے معیار تعلیم میں بہتری آئی ہے۔ اس دوران وزیر داخلہ محمد محمود علی نے میڈیا کو ٹی آر ایس حکومت کی جانب سے کئے جارہے فلاحی کاموں سے بھی واقف کروایا۔
