دل کی پیوند کاری کے لیے گرین چینل شہر حیدرآباد کے علاقہ ملک پیٹ میں واقع پرائیویٹ اسپتال یشودھا سے علاقہ پنجہ گٹہ میں واقع دوسرے پرائیویٹ اسپتال نمس تک کیا گیا۔
شدید سڑک حادثہ میں زخمی ہونے والے شخص (جس کو بعد ازاں ذہنی مردہ قرار دیا گیا تھا) کا دل ان کے ارکان خاندان کی اجازت سے نکال کر دوسرے اسپتال پہنچایا گیا۔ یہ دل ضرورت مند شخص کو پیوند کاری کے ذریعہ لگایا جائے گا۔
یہ گرین چینل آپریشن آج دوپہر 12.30 تا ایک بجے دن کے درمیان انجام دیا گیا۔ اس دل کو ایک اسپتال سے دوسرے اسپتال پہنچانے کے لئے عہدیداروں نے گرین چینل کا انتظام کیا۔
یہ بھی پڑھیں: رام گڑھ: بس اور کار کی شدید ٹکر، 3 افراد کی ہلاکت کا خدشہ
حادثہ میں کانسٹیبل ویرا بابو 12 ستمبر کو شدید زخمی ہوگئے تھے۔ بعد ازاں ڈاکٹرس نے ان کو ذہنی مردہ قرار دیا تھا۔ یہ حادثہ ضلع کھمم میں پیش آیا تھا۔ اس کانسٹیبل کے خاندان نے اس کے دل کا عطیہ دیا۔
