آندھراپردیش پولیس نے غیرقانونی طور پر منتقل کی جانے والی شراب کو ضبط کیا۔
مغربی گوداوری ضلع کی کووور اسپیشل انفورسمنٹ بیورو پولیس نے پیرکے روز ایک لاری ڈرائیور کو گرفتار کیا۔
اس سے قبل پولیس ٹیم نے ڈرائیور اوراس کے مالک کے گھر کی تلاشی لی۔ اور شراب کو ضبط کیا۔ جسے غیر قانونی طور پر کولکتہ سےآندھراپردیش منتقل کیا گیا تھا۔ پولیس نے اس موقع پر شراب کی 25 باکس جس میں 300 بوتلیں رکھی تھیں ضبط کی۔
پولیس کے مطابق ڈرائیور ندادولے ٹاون سے تعلق رکھتا ہے اور اس کا نام ایم ڈی احمد علی شاہ ہے۔ مذکورہ ڈرائیور نے کولکتہ سے شراب آندھراپردیش منتقل کی۔
پولیس نے لاری کے مالک کے گھر سمیسرا گوڑم پر بھی چھاپہ مار کر مزید 15 شراب اور 10 وسکی کی بوتلیں ضبط کی۔
پولیس اہلکارنے بتایا کہ ضبط کی گئی شراب کی قیمت کولکتہ میں پانچ لاکھ اور آندھراپردیش میں 10 لاکھ ہے۔
