کشتی سانحہ۔ اپنوں کے لاپتہ ہونے پر خاندان پریشان

حیدرآباد کے ان خاندانوں میں تشویش کی لہر دوڑ گئی ہے جن کے ارکان اے پی کے مشرقی گوداوری ضلع میں کشتی کے پلٹ جانے کے واقعہ میں ابھی بھی لاپتہ ہیں۔

اس واقعہ کے 24گھنٹوں کے باوجود بھی ان کے ارکان خاندان ان کا پتہ نہیں لگاپائے ہیں۔حیات نگر کے دو سافٹ ویر انجینئرس بھرانی اور وشال کے ارکان خاندان ان کے بارے میں کوئی بھی معلومات نہ ملنے پر پریشان ہیں۔

متاثرہ جانکی راما راو کا خاندان بھی رامنتاپور میں پریشان ہے کیونکہ ان کے خاندان کے بارے میں بھی ابھی تک کوئی اطلاع نہیں مل پائی ہے۔

پولیسنگ ہوزنگ کارپوریشن کے اسسٹنٹ انجینئرس سرابھی، رویندرا اور ترون کا بھی کوئی پتہ نہیں چل پایا ہے۔اس خاندان کے سات افراد اس کشتی میں سوار تھے، بچاو ٹیموں نے چار افراد کو بچالیا جبکہ دیگر تین کا کوئی پتہ نہیں چل پایا۔