صحت کے حکام نے جنوبی ریاست آندھراپردیش کے ایلورو میں پراسرار بیماری کے باعث اسپتال میں داخل ہونے والے سیکڑوں مریضوں کے خون کے نمونے لینے کے بعد اس میں نکل اور لیڈ کے نشانات پائے ہیں۔ آندھرا پردیش حکومت نے منگل کی شب ایک بیان میں کہا ہے کہ آل انڈیا انسٹی ٹیوٹ آف میڈیکل سائنسز کے ماہرین کی تحقیق میں ضرورت سے زیادہ نکل، لیڈ پائے جانے کی وجہ کا پتہ نہیں چل پایا۔
بیان میں مزید کہا گیا ہے کہ انڈین انسٹی ٹیوٹ آف کیمیکل ٹکنالوجی کے ماہرین کی جانب سے دئے جانے والے دیگر ٹیسٹوں سے متعلق رپورٹوں کا انتظار کیا جارہا ہے جس میں ٹاگسیکالوجی بلڈ کلٹرز کی رپورٹ بھی شامل ہے۔
صحت کے عہدیدار اور ماہرین حیران ہیں کہ بھاری دھاتیں مریضوں کے خون میں کیسے داخل ہوگئیں اور آیا کہ کیا یہی وجہ ہے کہ آندھرا پردیش میں 585 افراد اسپتال میں داخل ہوئے اور ایک شخص ہلاک ہوگیا۔ اس کا ابھی تک پتہ نہیں چل پایا۔
