حیدرآباد: مرکزی وزیر داخلہ امیت شاہ آج تلنگانہ کے ضلع نلگنڈہ کے منگوڈ گاؤں میں بی جے پی کے ایک جلسہ میں بطور مہمان خصوصی شرکت کریں گے۔ شاہ اتوار کو سہ پہر 3:30 بجے حیدرآباد کے بیگم پیٹ پہنچیں گے، جس کے بعد وہ شام 4:30 بجے ہیلی کاپٹر کے ذریعے منگوڈ گاؤں پہنچیں گے۔ اس کے بعد شام پانچ بجے وہ ایک جلسہ عام میں شرکت کریں گے۔ امت شاہ کے دورے کے پیش نظر سی آر پی ایف اہلکاروں نے ریاستی پولیس اہلکاروں کے ساتھ سکیورٹی سے متعلق ایک میٹنگ بھی کی ہے۔ Amit Shah To Visit Telangana Tomorrow
اس جلسے میں سابق رکن اسمبلی کے راج گوپال ریڈی بھی موجود رہیں گے۔ جلسہ کے بعد شام 6 بجے امت شاہ ہیلی کاپٹر سے بیگم پیٹ جائیں گے۔ امت شاہ کے دورے کے پیش نظر پارٹی رہنما عوام کو جلسہ عام میں لانے کی بھرپور محنت کر رہے ہیں۔ ساتھ ہی پارٹی کی ریاستی قیادت نے انتظامات کی نگرانی کے لیے ہر ڈویژن میں دو دو انچارج بھی مقرر کیے ہیں۔ وہیں تلنگانہ بی جے پی کے صدر بنڈی سنجے نے یقین ظاہر کیا کہ جلسہ عام میں بڑی تعداد میں بی جے پی کارکنان آئیں گے اور اس جلسہ کو کامیاب بنائیں گے۔ Amit Shah To Visit Telangana Tomorrow
یہ بھی پڑھیں: Kishan Reddy on Munugode by Election ٹی آر ایس کو منگوڈ ضمنی انتخاب میں بھی شکست ہوگی
