گذشتہ کچھ دنوں سے ریاست میں کورونا کے مریضوں کی بڑھتی ہوئی شرح میں کچھ کمی واقع ہوئی تھی لیکن دوبارہ اس میں اضافہ دیکھا گیا گذشتہ چوبیس گھنٹوں کے دوران 22 نئے کیسز درج کئے گئے۔
ہیلتھ بلٹین کے مطابق اب تک 1038 افراد کورونا سے متاثر ہوئے تھے جبکہ اب 568 مریض ہسپتالوں میں زیرعلاج ہیں۔
گذشتہ چوبیس گھنٹوں کے دوران اس وبا سے تین اموات بھی درج کی گئی جس کے بعد ریاست میں مرنے والوں کی کل تعداد 28 تک پہنچ گئی ہے۔
ریاست میں 33 افراد کو صحتیاب ہونے کے بعد ڈسچاج کیا گیا،اس طرح روبہ صحت ہونے کے بعد ہسپتال سے ڈسچارج ہونے والوں کی کل تعداد 442 ہوگئی ہے۔
واضح رہے کہ سدی پیٹ، محبوب آباد، ورنگل رورل، یادادری بھونگیر، منچریال، نارائن پیٹ، پدا پلی، ونپرتی، بھدرادری، ناگرکرنول، ملک، جگتیال اور سنگاریڈی میں ایک بھی کورونا کا مثبت کیس نہیں ہے۔
