پلانی سوامی نے کورونا وائرس کے معاملوں میں ہورہے اضافے کے پیش نظر ستمبر مہینے میں آخری سمسٹر کے امتحانات کرانے میں پریشانی کا اظہار کیا اور مرکزی حکومت سے اپیل کی کہ وہ تعلیم کے معیار اور اکاڈمک شفافیت سے سمجھوتا کئے بغیر ریاستوں کو اپنے طریقے سے حالات کا جائزہ لینے دے۔
وزیراعلی نے مرکیز انسانی وسائل کی ترقی کے وزیر رمیش پوکھریال نشنک کو لکھے خط میں کہا ہے کہ ملک کی کئی ریاستوں نے آخری سمسٹر کے امتحانات کا انعقاد نہ کرانے کا فیصلہ کیا ہے۔ انہوں نے کہا ’’کریئر کے مواقع، مستقبل کے امکانات جٹانے کے ساتھ ہی طلبہ کی صحت،سلامتی، شفافیت اور برابری کے موقع کے اصولوں کو یقینی بنایا جانا چاہئے۔
ریاستوں کو تعلیم کے معیار اور اکاڈمک شفافیت سے سمجھوتا کئے بغیر اس معاملے میں خود کے جائزے کے طریقوں کو اختیار کرنے کی پوری آزادی دی جانی چاہئے۔ انہوں نے ڈاکٹر نشنک سے یونیورسٹی گرانٹ کمیشن (یو جی سی)، آل انڈیا کونسل فار ٹیکنیکل ایجوکیشن (اے آئی سی ٹی ای)، انڈین فارمیسی کونسل (پی سی آئی)،نیشنل کونسل فارٹیچر اینڈ ایجوکیشن (این سی ٹی ای)، نیشنل ہوٹل مینجمنٹ کونسل اور کیٹرنگ ٹیکنولوجی جیسے اعلی تعلیمی اداروں سے متعلق ریاستوں کے فیصلے کو نافذ کرنے کےلیے ہدایت دینے کی اپیل کی ہے۔
