'وادی میں خوف کا ماحول پید اکرنے کی کوشش کی جا رہی ہے'

سی پی ایم کے قومی جنرل سکریٹری سیتا رام یچوری نے الزام لگایا ہے کہ جموں وکشمیر میں مرکزی حکومت خوف کا ماحول پیداکرنے کی کوشش کر رہی ہے۔

انہوں نے سوال کیا کہ ہنگامی طورپر 40ہزار فوجیوں کو کشمیر کیوں بھیجا گیا ہے؟انہوں نے آندھراپردیش کے ضلع گنٹور میں میڈیا سے بات کرتے ہوئے کہاکہ باوقارامرناتھ یاتراکو روکنے کی کیا ضرورت تھی؟

یاتریوں، سیاحوں کو کشمیر سے فوری واپس بھیجتے ہوئے اس کے ذریعہ وادی میں حکومت خوف کا ماحول پیداکر رہی ہے۔کشمیر میں کیا ہورہا ہے، اس بات کا جواب وزیراعظم کو ملک کے عوام کو دینا چاہئے۔