سرینگر: ٹیرر فنڈنگ معاملے میں قصوروار ٹھہرائے گئے کالعدم تنظیم جموں و کشمیر لبریشن فرنٹ کے چیئرمین اور کشمیر کے علحیدگی پسند رہنما یاسین ملک کو پٹالیہ ہاوس کورٹ کی جانب سے عمر قید کی سزا سنائے جانے پر کل جماعتی حریت کانفرنس نے شدید مذمت کی ہے۔ Yasin Malik Sentence۔ نظر بند میر واعظ عمرفاروق کی سربراہی والی کل جماعتی حریت کانفرنس نے اپنے بیان میں اس فیصلے پر شدید ردعمل کا اظہار کرتے ہوئے کہا ہے کہ علیحدگی پسند رہنما نے 1994 سے کشمیر کے تنازعے کو پر امن اور جمہوری طریقے سے حل تلاش کرنے کی بے حد کوشش کی وہیں تینوں فریقوں بھارت، پاکستان اور جموں و کشمیر کے عوام کے درمیان مذاکرات کے زریعے مسئلہ کشمیر کے حل کرنے کے ہمیشہ حامی رہے ہیں اور اس کے لیے وہ سخت جدوجہد بھی کرتے رہے۔ All Parties Conference Condemns sentencing of Yasin Malik
انہوں نے کہا یاسین ملک نے کشمیر تنازعے کے حل کی خاطر سن 2000 کے بعد بھارت اور پاکستان کی مختلف حکومتوں میں مذاکراتی میں بھی بڑھ چڑھ کر حصہ لیا لیکن اس کے باوجود بھی یاسین ملک کو گرفتار کرکے تہار جیل منتقل کر کے سخت قوانین کے تحت سزا سنائی گئی۔ جس سے یہ عیاں ہے کہ عوامی خواہشات کو ملحوظ رکھ کر اور سیاسی عقائد کے عین مطابق نمائندگی کرنے پر بھی اس سے سزا دی گئی ۔ تاہم عوام نے حکومت کے دباؤ اور جبر کے باوجود اپنی ناراضگی کا اظہار کرتے ہوئے مکمل ہڑتال کی۔ کل جماعتی حریت کانفرنس نے اپنے بیان میں حکومت ہند پر زور دیا کہ وہ ان تمام سیاسی قیدیوں کی رہائی کو ممکن بنائے جو کہ مخلتف جیلوں اور گھرمیں نظر بند ہیں جبکہ عوام کے خواہشات کو مد نظر کرتے ہوئے فریقین کے درمیان گفت وشنید سے مسئلہ کشمیر کے پرامن طریقے سے حل کریں۔ Yasin Malik Sentence
واضح رہے کہ ٹیرر فنڈنگ معاملے میں قصوروار ٹھہرائے جانے کے بعد، نیشنل انویسٹی گیشن ایجنسی (این آئی اے) کی ایک خصوصی عدالت نے بدھ یعنی 25 مئی کو یاسین ملک کو دو مقدمات میں عمر قید کی سزا کے علاوہ 10 لاکھ روپے جرمانے کی سزا سنائی ہے۔ مَلِک کو سخت سکیورٹی کے درمیان نئی دہلی کی پٹیالہ ہاؤس کورٹ میں پیش کیا گیا۔ خصوصی جج پروین سنگھ نے 19 مئی کو ملک کو قصوروار قرار دیا تھا اور این آئی اے کو ہدایت کی تھی کہ وہ ان کی مالی صورتحال کا جائزہ لیں تاکہ جرمانے کی رقم کے حوالے سے فیصلہ کیا جا سکے۔
قبل ازیں 10 مئی کو ملک نے عدالت کو بتایا تھا کہ وہ اپنے خلاف لگائے گئے الزامات کو مسترد نہیں کر رہے ہیں جن میں یو اے پی اے کی دفعہ 16 (عسکریت پسند ایکٹ)، 17 (عسکریت پسندی کے لیے فنڈز اکٹھا کرنا)، 18 (عسکریت پسندانہ کارروائی کی سازش) اور 20 (عسکریت پسند ہونا) شامل ہیں۔ اس کے علاوہ آئی پی سی کی دفعہ 120-B (مجرمانہ سازش) اور 124-A (غداری) بھی ملک پر عائد ہے۔
عدالت نے اس دوران کشمیری علیٰحدگی پسند رہنماؤں بشمول فاروق احمد ڈار عرف بٹا کراٹے، شبیر شاہ، مسرت عالم، محمد یوسف شاہ، آفتاب احمد شاہ، الطاف احمد شاہ، نعیم خان، محمد اکبر کھانڈے، راجہ معراج الدین کلوال، بشیر احمد بھٹ، ظہور احمد شاہ وٹالی، عبدالرشید شیخ اور نیول کشور کپور کے خلاف باضابطہ طور پر الزامات طے کیے تھے۔ چارج شیٹ لشکر طیبہ کے بانی حافظ سعید اور حزب المجاہدین کے سربراہ سید صلاح الدین کے خلاف بھی دائر کی گئی تھی، جنہیں اس کیس میں اشتہاری مجرم قرار دیا گیا ہے۔
یہ بھی پڑھیں : Yasin Malik Sentence: یاسین ملک کو عمر قید کی سزا
