سرینگر میں نیم فوجی کیمپ آگ کی نذر

آگ کی واردات میں کسی بھی جانی نقصان کی کوئی اطلاع موصول نہیں ہوئی ہے اور کیمپ میں تعینات تمام اہلکار محفوظ ہے۔

جموں و کشمیر کے دارالحکومت سرینگر کے بٹہ مالو میں نیم فوجی دستے سیما سورکشا بل (ایس ایس بی) کا کیمپ آتشزدگی کی وجہ سے تباہ ہوگیا ہے۔ آگ کی اس واردات میں اسلحہ کو بھی نقصان پہنچا یے اور حفاظتی اہلکاروں کا اسلحہ بھی جل گیا ہے۔ تاہم کسی جانی نقصان کی کوئی اطلاع نہیں ہے۔

پولیس ذرائع کے مطابق بٹہ مالو میں قائم اس کیمپ میں رات دیر گئے آگ نمودار ہوئی جس سے کیمپ کو کافی نقصان ہوا ہے۔ وہیں فائر اینڈ ایمرجنسی کے اہلکاروں نے موقع پر جاکر آگ کو قابو میں کرکے اس کو مزید پھیلنے سے روک لیا ہے-

ذرائع کا کہنا تھا کہ کسی بھی جانی نقصان کی کوئی اطلاع موصول نہیں ہوئی ہے اور کیمپ میں تعینات تمام اہلکار محفوظ ہے۔ آتشزدگی کی وجہ بجلی کا شارٹ سرکیٹ بتائی جارہی ہے تاہم پولیس کا کہنا ہے کہ معاملے کی جانچ کی جارہی ہے۔