جموں وکشمیر کے ضلع سرینگر میں کورونا وائرس کے پیش نظر جاری لاک ڈاؤن کے دوران سرکاری احکامات کی خلاف ورزی کرنے والوں کے خلاف سخت کاروائی کرتے ہوئے سری نگر پولیس نے متعدد افراد کو گرفتار کیا ہے ہے-
پولیس تھانہ نگین سرینگر کے دائرہ اختیار میں شامل افسران نے متعلقہ مجسٹریٹ کے ہمراہ لاک ڈاؤن احکامات کی خلاف ورزی کرنے پر 14 افراد کو گرفتار کیا ہے اور چار دکانوں کو سیل کردیا ہے۔
گرفتار شدگان کے خلاف متعلقہ دفعات کے تحت مقدمات ایف آئی آر زیرنمبر 96/2020 بھی درج کیا گیا ہے اور اس معاملے کی مزید تفتیش شروع کردی گئی ہے۔
اسی طرح ایک اور کارروائی میں 10 افراد کو گرفتار کیا گیا ہے اور اس دوران پولیس نے لاک ڈاؤن احکامات کی نفی کرنے کی پاداش میں 10 گاڑیاں پکڑی جن کو بعد میں ضبط کیا گیا مذکورہ افراد کے خلاف بھی متعلقہ دفعات کے تحت ایک ایف آئی آر زیر نمبر 97/2020 درج کیا گیا ہے اور کیس کی مزید تحقیقات کا آغاز کردیا گیا ہے۔
سرینگر پولیس نے ایک بار پھر عام لوگوں سے حکومت کی جانب سے عوامی مفاد میں عائد کردہ پابندیوں پر عمل کرنے کی درخواست کی ہے تاکہ کووڈ 19 کو مزید پھیلنے سے روکا جاسکے-
پولیس نے لوگوں کو متنبہ کرتے ہوئے کہا "جو لوگ پابندیوں کی خلاف ورزی کررہے ہیں ان کے ساتھ سختی سے نمٹا جائے گا۔''
