لیہہ ہائی وے پر برف صاف کرنے کے آپریشن کے دوران ایک برف صاف کرنے والی مشین برفانی تودے کی زد میں آ گئی۔ تاہم مشین آپریٹر بال بال بچ گیا اور کسی جانی نقصان کی اطلاع نہیں ملی۔Snow Clearance Machine Came Under Snow Avalanche
لداخ کو جموں و کشمیر کے باقی حصوں سے جوڑنے والی سڑک پر برف ہٹانے کا کام زور و شور سے جاری ہے اور توقع ہے کہ اس مہینے کی 19 تاریخ کو اسے کھول دیا جائے گا۔
ہائی وے کو اس سال 3 جنوری کو شدید برف باری کے بعد بند کر دیا گیا تھا۔زوجیلا پاس میں اس سال شدید برف باری ہوئی جس میں تقریباً 17 فٹ تک برف پڑی جس کے بعد کئی مقامات پر برفانی تودے گرے۔
بارڈر روڈ آرگنائزیشن نے دن رات محنت کرکے کافی حد تک برف کو شاہراہ سے صاف کر دیا، اور ابھی تک سونہ مرگ کے سرے سے 2.5 کلومیٹر کا حصہ صاف ہونا باقی ہے۔
برف ہٹانے کا کام روزانہ 8 سے 9 گھنٹے جاری رہتا ہے جبکہ بیکن کے اہلکاروں کو سڑک پر بار بار برف پھسلنے کی وجہ سے سخت صورتحال کا سامنا کرنا پڑ رہا ہے اور جانی نقصان سے بچنے کے لیے اضافی احتیاطی تدابیر اختیار کرنی پڑ رہی ہیں کیونکہ سڑک گہرے پہاڑوں کے درمیان سے گزرتی ہے۔
