Mehbooba Mufti Press Conference: ملک کے حالات پر عدلیہ کی خاموشی باعث حیرت، محبوبہ مفتی

محبوبہ مفتی کا کہنا ہے کہ بی جے پی کی سابق ترجمان نپور شرما پر کا پیغمبر اسلام کے خلاف قابل اعترض بیان دینا کوئی اتفاقی نہیں تھا، بلکہ وہ تبصرہ "منصوبہ بند" تھا۔ انہوں نے کہا کہ نپور شرما کے تبصرہ کا مقصد مسلمانوں کو مشتعل کرنا تھا تاکہ ان کی جائیدادوں پر بلڈوز چلائی جا سکے۔Mehbooba Mufti on Nupar Sharma Remarks

سرینگر: سابق وزیر اعلٰی اور پی ڈی پی صدر محبوبہ مفتی نے کہا کہ اتر پردیش اور دیگر ریاستوں میں مسلم آبادی پر حکومت جس طرح تشدد کر رہی ہے اور عدالتیں خاموش ہیں، اس پر ان کو تعجب ہے۔ سرینگر میں پریس کانفرنس سے خطاب کرتے ہوئے محبوبہ مفتی نے کہا کہ جو بھی مرکزی حکومت کے خلاف آواز اٹھاتا ہے، اس پر تحقیقاتی ایجنسیز کی جانب سے مقدمے درج کیے ہیں اور اسے جیل بھج دیا جاتا ہے۔Mehbooba Mufti on Enforcement Directorate Summon

ان کا کہنا ہے کہ ملک کی پچیس فیصد آبادی کو حکومت الگ تھلگ کر رہی اور اور ان پر تشدد کر رہی ہے تو اس کے سنگین نتائج سامنے آئیں گے۔ انہوں نے کہا کہ ملک کے موجودہ حالات پر عدالتیں خاموش تماشائی بن کر دیکھ رہی ہیں۔ Mehbooba Mufti on Bulldozing Muslim Properties

پی ڈی پی کی صدر نے کہا کہ نوپور شرما کا پیغمبر اسلام کے متعلق نازیبا اور گستاخانہ بیان دینا بی جے پی کی ایک سوچی سمجھی سازش تھی تاکہ کشمیر میں پنڈتوں پر ہو رہے تشدد سے لوگوں کا دھیان ہٹایا جائے، جس میں بی جے پی حکومت ناکام ہوئی اور اس نازیبا تبصرے کا مقصد مسلمانوں کو مشتعل کرنا تھا تاکہ ان کی جائیدادوں کو بلڈوز کیا جا سکے۔

انہوں نے کہا کہ نوپور شرما کے بیان سے پوری دنیا کے مسلمانوں کے جذبات کو شدید ٹھیس پہنچی ہے اور پیغمبر اسلام کے بارے میں ان کے ریمارکس منصوبہ بند تھے، تاکہ ملک کے مسلمان مشتعل ہو جائیں اور حکومت کو ان پر کارروائی کرنے کا موقع ملے۔

محبوبہ مفتی نے انفورسمنٹ ڈائریکٹوریٹ کی جانب سے راہل گاندھی کو نیشنل ہیرالڈ کیس میں طلب کیے جانے پر بھی تنقید کا نشانہ بنایا۔ انہوں نے کہا کہ بی جے پی ان اداروں کو اپنے مفاد کے لیے استعمال کرتی ہے تاکہ ان کی پالیسیوں کی مخالفت کرنے والوں کی آوازوں کو خاموش کیا جا سکے اور ان کے کام پر سوال اٹھے۔ Mehbooba Mufti on Rahul Ghandi National Herald Case

پی ڈی پی صدر نے کہا کہ "راہل گاندھی عام لوگوں کے مسائل اٹھانے میں سب سے آگے رہے ہیں اور انہیں ای ڈی کی جانب سے طلب کرنے کا مقصد ان کی آواز کو دبانا ہے۔ انہوں نے مزید کہا کہ ملک تباہی کی طرف جا رہا ہے اور ہم سب اپنی جمہوریت والی شناخت کھو چکے ہیں۔ محبوبہ مفتی نے اتر پردیش حکومت پر تنقید کرتے ہوئے کہا کہ "ہم اب جمہوریت کے لیے نہیں بلکہ بلڈوزر کے لیے جانے جاتے ہیں۔"