سری نگر: جموں و کشمیر سی پی آئی ایم کے سینئر رہنما یوسف تاریگامی CPI (M) leader Mohammad Yousuf Tarigami نے ایک بیان جاری کر کے کہا کہ جموں و کشمیر حکومت کو سیاحتی مقام گلمرگ میں 1034 کنال اراضی اور دوسرے سیاحتی مقام سونہ مرگ میں 354 کنال اراضی فوج کے استعمال کے لیے مختص کرنے کے فیصلے Gulmarg, Sonamarg as Strategic Areas پر نظر ثانی کرنی چاہیے۔
ان کا کہنا تھا کہ یہ دونوں مقامات وادی کے شہرہ آفاق سیاحتی مقامات ہیں۔ حکومت کو گلمرگ، سونہ مرگ کو اسٹریٹیجک علاقے قرار دینے کے بجائے اسے سیاحتی مقاصد کے لئے مزید فروغ دینا چاہیے۔ انہوں نے ان علاقوں میں سیاحتی سہولیات کو مزید بہتر بنانے کی ضرورت پر زور دیا۔
سی پی آئی ایم رہنما نے اپنے بیان میں کہا کہ فوج کے لیے پہلے سے ہی کافی زمینیں مختص ہیں۔ تاریگامی نے کہا کہ کشمیر میں بے روزگاری کم کرنے کے لیے سیاحتی شعبے میں مزید کام کرنے کی ضرورت ہے۔ انہوں نے کہا کہ رئیل اسٹیٹ ڈیولپمنٹ سے یہاں ترقی ہونے سے رہی اور نہ ہی اس سے کسی نوجوان کو روز گار ملنے والا ہے۔
مزید پڑھیں:
- ملازمین کی بڑے پیمانہ پر برطرفی سے ایک غلط پیغام جا رہا ہے: تاریگامی
- جموں و کشمیر میں ترقی کے بلند و بانگ دعوے کھوکھلے ثابت ہو رہے ہیں: تاریگامی
محمد یوسف تاریگامی نے امید ظاہر کی کہ حکومت اپنے اس فیصلے پر نظر ثانی Tarigami Appeals Govt to Review Decision on Gulmarg, Sonamarg کر کے گلمرگ سونہ مرگ میں سیاحت کو فروغ دینے پر توجہ دے گی۔