طلباء کو راحت، کمروں کا کرایہ طے کرنے کیلئے کمیٹی قائم

یہ کمیٹی مختلف مقامات پر فی مربع فٹ کرایہ واضح کرے گی۔ اس میں بجلی، پانی کی فراہمی، اور دیگر اخراجات کو بھی مدنظر رکھا جائے گا۔ محکمہ لیگل میٹرولوجی سے کہا گیا ہے کہ وہ خلاف ورزی کرنے والوں پر کارروائی کرے۔

ڈسٹرکٹ مجسٹریٹ سری نگر شاہد اقبال چودھری نے شہر میں طلباء کے لئے کرایہ کے کمروں کا کرایہ طے کرنے کے لئے ایک کمیٹی تشکیل دی ہے۔ بین محکمانہ کمیٹی کو یہ ذمہ داری سونپی گئی ہے کہ وہ 15 دن کی مدت میں رپورٹ پیش کرے۔

کمیٹی کا کنوینر اسسٹنٹ کمشنر ریونیو مقرر کیا ہے۔ اس کے علاوہ کمیٹی میں سپرنٹنڈنٹ انجینئر پی ڈبلیو ڈی، سپرنٹنڈنٹ انجینئر ہائیڈرولک، سپرنٹنڈنٹ انجینئر پاور، چیف ایجوکیشن آفیسر اور ڈپٹی کنٹرولر لیگل میٹرولوجی شامل ہیں۔

ڈپٹی کمشنر نے ٹیم کو یہ ہدایت کی ہے کہ وہ سری نگر شہر میں طلباء کو پیش کی جانے والی مختلف اقسام کی رہائش کی بنا پر یکساں نرخ طے کرے۔

یہ کمیٹی مختلف مقامات پر فی مربع فٹ کرایہ واضح کرے گی۔ اس میں بجلی، پانی کی فراہمی، اور دیگر اخراجات کو بھی مدنظر رکھا جائے گا۔ محکمہ لیگل میٹرولوجی سے کہا گیا ہے کہ وہ خلاف ورزی کرنے والوں پر کارروائی کرے۔

یہاں یہ امر قابل ذکر ہے کہ شہر کے مختلف علاقوں میں طلبہ کی ایک بڑی تعداد نے شکایت کی تھی کہ سرینگر میں طلبا کو کمرہ حاصل کرنے میں دشواری ہوتی ہے اور مکان مالک من مانی رقم وصول کرتے ہے۔