کووڈ کے خلاف جنگ، حکومت کے دعوے کتنے صحیح؟

ای ٹی وی بھارت نے سرینگر میں واقع ایسے تین کووڈ مراکز کا دورہ کیا۔ جنہیں کووڈ مریضوں کے لیے مخصوص کیا گیا تھا۔ بیشتر مراکز پر انتظامیہ نے تصاویر لینے کی اجازت نہیں دی۔ وہیں شہر کے مرکز میں واقع انڈور اسٹیڈیم کووڈ مرکز میں تالا لگا ہوا تھا۔

پورے ملک کے ساتھ ساتھ جموں و کشمیر میں بھی عالمی وبا کورونا وائرس کا قہر ہر گزرتے روز کے ساتھ بڑھتا جا رہا ہے۔ جہاں گزشتہ 24 گھنٹوں کے دوران خطے میں وبا کے 3308 نئے مثبت معاملے سامنے آئے تھے وہیں پچاس سے زائد افراد کی موت بھی واقع ہوئی ہے۔

وبا کے معاملات میں نمایاں اضافے کے باوجود بھی انتظامیہ کا کہنا ہے کہ شہر میں ابھی ایسی صورتحال نہیں ہے کہ مریضوں کو ان مراکز میں رکھنے کی ضرورت پڑے۔ مثبت افراد کا علاج شہر کے ہسپتالوں اور گھروں میں بہتر طریقے سے ہو رہا ہے۔

اُن کا مزید کہنا تھا کہ وبا کی تیسری لہر کے خدشات کے تحت کووڈ سینٹروں کو تیار رکھا گیا ہے۔ جس کی وجہ سے ہماری ذمہ داری بنتی ہے کہ انتظامیہ اپنی طرف سے تیار رہیں۔ اگر ضرورت پڑی تو ان مراکز کو استعمال میں لایا جائے گا۔"ای ٹی وی بھارت نے سرینگر میں واقع ایسے تین مراکز کا دورہ کیا۔ بیشتر مراکز پر انتظامیہ نے تصاویر لینے کی اجازت نہیں دی۔ وہیں شہر کے مرکز میں واقع انڈور اسٹیڈیم کووڈ مرکز پر تالا لگا ہوا تھا۔

واضح رہے کہ یہ مرکز گزشتہ ماہ کی 28 تاریخ کو قائم کیا گیا تھا اور وہاں 110 بیڈ رکھے گئے ہیں، تاکہ کورونا کے کیسز بڑھنے کے سبب مریضوں کو وہاں منتقل کیا جاسکے۔