سڑکوں سے برف نہ ہٹانے پر انتظامیہ کے خلاف احتجاج

شمالی قصبہ ہندواڑہ سے قریب 30 کلومیٹر دور شلتھرا مَلک پورہ ہرل نامی گاؤں کی رابطہ سڑکیں ہنوز برف سے ڈھکی ہوئی ہیں، جس پر ناراضگی کا اظہار کرتے ہوئے مقامی لوگوں نے زوردار احتجاج کیا اور انتظامیہ کے خلاف برہمی کا اظہار کیا۔

جموں و کشمیر کے شمالی قصبہ ہندوارہ سے قریب 30 کلومیٹر دور شلتھرا ملک پورہ ہرل گاؤں کی رابطہ سڑکوں سے برف نہ ہٹائے جانے پر مقامی لوگوں نے انتظامیہ کے خلاف ناراضگی کا اظہار کیا ہے۔

انتظامیہ کے خلاف احتجاج کر رہے لوگوں کا کہنا ہے کہ' اگرچہ متعلقہ محکمہ نے شلتھرا تک کی سڑکوں سے برف ہٹائی ہیں، لیکن ملک پورہ میں نہ مشین آئی نہ ہی محکمے کے افسران نے ان کے مسئلے کی طرف کوئی توجہ دی۔

مقامی باشندہ نذیر احمد نے بتایا کہ' اگر چہ سڑک سے برف ہٹانے کے لئے یہاں کے بی ڈی سی کو بھی فون کیا لیکن انہوں نے فون رسیو نہیں کیا اور نہ ہی انتظامیہ کے کسی افسر نے ہماری طرف کوئی دھیان دیا، جس کی وجہ سے ملک پورہ شلتھراکی سڑک ابھی بھی برف سے ڈھکی ہوئی ہیں اور لوگوں کو عبور و مرور کافی دشواریوں کا سامنا ہے۔

انہوں نے ضلع ترقیاتی کمشنر کپوارہ سےمطالبہ کیا کہ' مَلک پورہ کی جانب توجہ دیں، تاکہ لوگوں کے مشکلات کا ازالہ ہوسکے۔