سرینگر: زبرون پہاڑی کے دامن میں واقع ایشیا کا سب سے بڑے باغ گلہ لالہ ان دنوں سیاحوں کی توجہ کا مرکز بنا ہوا ہے۔ حکام کے مطابق 12 دنوں میں ایک لاکھ 58 ہزار مقامی ، ملکی و بیرون ممالک کے سیاحوں نے باغ کی سیر کی۔ٹیولپ گارڈن کے انچارج انعام الرحمان نے بتایا کہ باغ کو عوام کے لیے 20 مارچ کو کھل دیا گیا تھا ۔انہوں نے کہا 12 دنوں میں 1.58 لاکھ لوگوں نے ٹیولپ گارڈن کی سیر کی اور یہاں کے پرکیف نظاروں سے لطف اٹھایا۔
انہوں نے کہا کہ باغ میں اس بار چار نئے اقسام کے ٹیولپ لگائے گئے جنہیں بیرون ممالک سے درآمد کیا گیا ہے ۔ انہوں نے کہہ اس سال باغ میں 68اقسام کے 15لاکھ سے زائد خوبصورت گل لالہ اس وقت اپنا حسن بکھیرے ہوئے ہر ایک آنے والے کو معطر کر رہے ہیں۔30 ہیکٹر اراضی سے زیادہ رقبے پر پھیلے ٹیولپ گارڈن میں 3 سو سے زیادہ باغبانوں نے پھولوں کو لگانے کا کام انجام دیا ہے۔200 کنال اراضی پر ٹیولپ بیڈ بنائے گئے ہیں جبکہ باقی ماندہ اراضی پر پارکیں بنائی گئی ہیں۔
مزید پڑھیں: Tourist Flow Tulip Garden: ایک لاکھ سیاحوں نے باغ گل لالہ کی سیر کی
واضح رہے کہ باغ گل لالہ بالی ووڈ فلم سازوں کے لئے بھی محبوب مقام ہے جس کے پیش نظر گذشتہ ایک دہائی کے دوران یہاں کئی فلموں کی شوٹنگ کی گئی۔قابل ذکر ہے کہ پہلے سراج باغ کے نام سے مشہور اندرا گاندھی میموریل ٹلپ گارڈن کو سال 2008 میں اس وقت کے وزیر اعلیٰ غلام نبی آزاد نے قوم کے نام وقف کیا تھا۔ باغ گل لالہ کے قیام کا بنیادی مقصد وادی میں شعبہ سیاحت کو مزید فروغ دینا تھا۔
