عمر عبداللہ نے کورونا مخالف ٹیکہ لگوایا

اس سے قبل ان کے والد فاروق عبداللہ نے بھی مارچ کے پہلے ہفتے میں کورونا مخالف ٹیکہ لگوایا تھا۔ تاہم بعد میں ان کی طبیعت بگڑ گئی اور انہیں سکمز صورہ میں علاج کے لئے منتقل کیا گیا۔

جموں و کشمیر کے سابق وزیراعلیٰ عمر عبداللہ نے آج شیر کشمیر انسٹی ٹیوٹ آف میڈیکل سائنسز صورہ میں کورونا مخالف ٹیکہ لگوایا۔ انہوں نے اس کی جانکاری ایک ٹویٹ کے ذریعے دی۔

انہوں نے لکھا: 'آج صبح کووڈ ویکسین کی پہلی خوراک دی گئی۔ یہ ہموار اور آرام دہ تجربہ تھا۔ میں سکمز، سری نگر میں سب کا شکر گزار ہوں کہ انہوں نے مجھے آج ٹیکہ لگایا۔'

واضح رہے کہ اس سے قبل ان کے والد فاروق عبداللہ نے بھی مارچ کے پہلے ہفتے میں کورونا مخالف ٹیکہ لگوایا تھا۔ تاہم بعد میں ان کی طبیعت بگڑ گئی اور انہیں سکمز صورہ میں علاج کے لئے منتقل کیا گیا۔

گزشتہ دنوں لیفٹیننٹ گورنر نے ان کی خیر خبر لینے کے لئے سکمز صورہ کا دورہ کیا۔