جموں وکشمیر کے سابق وزیر اعلیٰ عمر عبداللہ نے سوشل میڈیا کی ویب سائٹ ٹویٹ پر لکھا: 'کچھ دنوں میں محبوبہ مفتی، علی محمد ساگر، شاہ فیصل پر عائد کیے گیے پی ایس اے کی میعاد ختم ہونے والی ہے اور یہ صحیح وقت ہے کہ ان رہنماؤں کو رہا کیا جائے۔ انہوں نے مزید کہا 'ان رہنماؤں کو بند رکھنے کی کوئی جواز نہیں بنتا ہے۔'
واضح رہے کہ دفعہ 370 کی منسوخی کے بعد جموں و کشمیر کے متعدد سیاسی رہنماوں کو نظر بند کیا گیا تھا۔ جس کے بعد عمر عبداللہ کو 24 مارچ کو تقریبا آٹھ ماہ کے طویل عرصے کے رہا کیا گیا تھا۔
انتظامیہ نے عمر عبداللہ اور محبوبہ مفتی کو سال گزشتہ آئینی دفعات 370 اور 35 اے کی تنسیخ اور سابق ریاست جموں و کشمیر کو دو وفاقی حصوں میں منقسم کرنے کے فیصلوں کے پیش 4 اگست کی شام کو نظر بند کیا تھا۔
اگرچہ 24 مارچ کو عمر عبداللہ کو تقریباً 8 ماہ بعد رہا کر دیا گیا ، تاہم محبوبہ مفتی اور دیگر سیاسی رہنما ابھی بھی نظر بند ہیں۔
اپنی رہائی کے بعد عمر نے میڈیا سے گفتگو کرتے ہوئے محبوبہ مفتی اور دیگر افراد کی رہائی کا مطالبہ بھی کیا تھا۔
انہوں نے مرکزی حکومت سے اپیل کی تھی کہ سابق وزیر اعلیٰ محبوبہ مفتی سمیت جتنے بھی افراد جموں و کشمیر کے جیلوں میں یا ملک کی باقی ریاستوں میں نظر بند ہیں انہیں جلد از جلد رہا کیا جائے۔
