انہوں نے کہا کہ میری حکومت کا مقصد یہ ہے کہ نوجوان جموں و کشمیر کی ہمہ جہت تعمیر و ترقی کا انجن بن جائیں۔
منوج سنہا نے کہا ’جموں وکشمیر کے 80 فیصد نوجوانوں کو پانچ برسوں کے اندر اندر روزگار کے مواقع فراہم کرنا میرا ہدف ہے۔ میری حکومت ان کے لئے یہ بات ممکن بنانا چاہتی ہے کہ نوجوان جموں و کشمیر کی معاشی و معاشرتی ترقی کے انجن بن جائیں‘۔
انہوں نے مزید کہا کہ میری خواہش ہے کہ جموں و کشمیر کا ہر بچہ ترقی کرکے ایک کامیاب انسان بن جائے۔
موصوف نے کہا کہ نوجوانوں کی صلاحیتوں کو اس طرح نکھارا جائے کہ ہر نوجوان جموں وکشمیر کی خوشحالی و تعمیر و ترقی میں اپنا رول ادا کر سکے۔
ایل جی منوج سنہا نے ان باتوں کا اظہار ہفتے کے روز ایک تقریب سے ورچل خطاب کے دوران کیا۔
