اے این سی کی صدر بیگم خالدہ شاہ نے اپنے ایک بیان میں کہاکہ' جموں وکشمیر میں صحافتی ادارے مثبت اور تعمیری رول ادا کررہے ہیں، اس کے باوجود انتظامیہ کی جانب سے اس طرح کے عمل غیر منطقی، غیر اخلاقی اور غیر آئینی ہے اور منصفانہ طریقہ کار کے بنیادی اصولوں کے منافی بھی ہیں'۔
بیگم خالدہ شاہ نے کہا کہ' پرنٹ اور الیکٹرانک میڈیا پر وحشیانہ حملہ ہر شہری کے بنیادی حقوق کو پامال کرنے کےمترادف ہے'۔
انہوں نے کہا کہ' اس طرح کے عمل سے آزادی اظہار رائے اور بھارت جو دنیا کی بڑی جمہوریت میں شامل ہے اس کی شبیہ متاثر ہوتی ہے'۔
مزید پڑھیں:
'دفعہ 370 کی بحالی کے لیے پھانسی کے لیے تیار'
بیگم خالدہ شاہ نے کہا کہ' حکومت ہند کو چاہئے کہ وہ عوام کے دل سے جمہوریت کے اعتماد کو ختم کرنے سے باز آئے، مزید اظہار رائے کی آزادی پر عالمی سطح کے بنیادی زریں اصول کے مطابق صحافیوں کے تحفظ، آزادی اور املاک کی حفاظت لازمی سمجھے'۔
