سرینگر سے تعلق رکھنے والے عربت حمید نے بتایا کہ اس بار کی عید بہت ہی سادگی کے ساتھ منائی گئی۔ تمام بڑی مساجد، امام بارگاہوں اور زیارتگاہوں کے منبر و محراب بھی خاموش رہے۔
انہوں نے بتایا کہ عید کے موقع پر جس طرح بچے، نوجوان اور بزرگ اہتمام کے ساتھ مساجد کا رخ کرتے تھے لیکن اس بار ایسا کچھ دیکنھے کو نہیں ملا۔ صرف محلوں کی چھوٹی چھوٹی مساجد میں عید کی نماز ادا کی گئی اور اس دوران سماجی دوریوں کا اہتمام بھی کیا گیا۔عید کی نماز پڑھنے کے بعد اپنے رشتہ داروں دوستوں اور اپنوں سے گلے مل کر گلے شکوے دور ہوتے ہیں لیکن اس بار عید کا وہ حسن دیکھنے کو نہیں ملا۔
عبدالرشید نامی ایک اور شخص نے بتایا کہ انہوں نے اس بار عید کی نماز گھر میں ہی ادا کی مساجد میں نماز پڑھنے میں جو لطف آتا ہے ویسا گھر میں نہیں آیا۔ قریبی رشتے داروں اور عزیز و اقارب کے گھر جاکر اُن سے ملنا اور انہیں طرح طرح کے پکوان بنا کر پہنچانا، اس وبا نے وہ ساری کو خوشیاں ہم سے چھین لی۔
جنید احمد خان نامی ایک بچے نے کہا کہ گزشتہ ہڑتال کی وجہ سے وہ اچھے سے عید نہیں منائی اور اس بار بھی ویسے ہی حالات بنے اور وہ اچھے سے عید نہیں منا پائے۔
جنید احمد نے بتایا کہ انہیں پتا ہی نہیں چلا کہ آج عید ہے، اپنے والدین اور رشتہ داروں سے عیدی لینا جیسی خوشیاں سب کچھ اس بار ہم نے کھو دیا۔
بتا دیں کہ کورونا وائرس کے بڑھتے خطرات کے پیش نظر وادی بھر میں عید الفطر انتہائی سادگی سے منائی گئی۔ کہیں بھی نماز عید کا بڑا اجتماع منعقد نہیں ہوا تاہم بعض دیہی اور دور دراز علاقوں میں لوگوں نے نماز فجر کے بعد نماز عید ادا کی جس دوران سماجی دوری کا خیال رکھا گیا۔
عید کے موقع پر سب سے بڑے اجتماعات عیدگاہ سرینگر اور درگاہ حضرت بل میں منعقد ہوتے ہیں تاہم کورونا وائرس کے خطرات اور حکومتی ایڈوائزری کے پیش نظر یہ اجتماعات منعقد نہیں ہوسکے۔ وادی کی تمام بڑی مساجد، امام بارگاہوں اور زیارتگاہوں کے منبر و محراب بھی خاموش رہے۔
