قدیم پوسٹل سٹیمز کی نمائش سے طلباء میں خوشی

کشمیر انٹرنیشنل کنونشن سنٹر میں منعقد کی گئی قدیم پوسٹل سٹیمز کی نمائش میں مقامی باشندوں خاص کر طلبہ کو انتہائی قدیم اور نایاب پوسٹل اسٹیمپ دیکھنے کا موقع ملا۔

سرینگر: جموں کشمیر کے سرمائی دارلحکومت سرینگر میں منگل کو محکمہ ڈاک نے ’’فلیٹلی‘‘ کی نمائش کا اہتمام کیا جس میں پچاس ہزار سے زائد تاریخی اور قدیم (ڈاک) ٹکٹوں کی نمائش کی گئی۔ نمائش کا افتتاح محکمہ ڈاک (کشمیر صوبہ) کے پوسٹ ماسٹر اور سرینگر میونسپل کارپوریشن کے کمشنر اطہر عامر خان نے کیا۔ اس نمائش میں سینکڑوں اسکولی طلباء نے شرکت کی۔ یہ نمائش سرینگر کے شیر کشمیر انٹرنیشنل کنونشن سنٹر میں منعقد کی گئی تھی جس میں شرکت کے لئے آئے طلباء نے قدیم اور تاریخی سٹیمپ دیکھنے کے بعد خوشی کا اظہار کیا۔

مسرت نامی ایک طلبہ نے میڈیا نمائندوں کو بتایا کہ اس نمائش میں انہوں نے ایسے نایاب سٹیپمز دیکھے جن سے ان کو کافی جانکاری حاصل ہوئی۔ ان کا کہنا ہے کہ ایسیے نمائشی پروگرام کے انعقاد سے طلباء کو کافی جانکاری اور تعلیم حاصل ہوتی ہے اور اس پس منظر میں طلباء کو اس نمائش میں حصہ لینا چاہئے۔ حسیب نامی ایک مقامی طالب علم نے اپنے تاثرات کا اظہار کرتے ہوئے کہا کہ وہ خود بھی فلیٹلی کا شوق رکھتے ہیں اور انہوں نے درجنوں قدیم سٹیمپز جمع کئے ہوئے ہیں۔ انہوں نے مزید کہا کہ تاہم انکو اس نمائش میں وہ سٹیمپز دیکھنے ک موقع ملا جس کا انہوں نے ہی کتابوں میں پڑھا ہے اور نہ ہی ان کا کبھی تصور کیا تھا۔

حسیب نے مزید کہا کہ اس نمائش میں انہوں نے ان قدیم اور تاریخی سٹیمپز کو دیکھا جن سے مختلف بادشاہوں اور حکمرانوں کے ادوار کی تاریخ عیاں ہوتی ہے۔ محکمہ ڈاک کے کشمیر صوبے کے عہدہ دار امیت شرما نے بتایا کہ محکمہ نے یہ نمائش عام لوگوں خاص کر طلباء کے لئے منعقد کی ہے تاکہ وہ فلیٹلی کے متعلق جانکاری حاصل کر سکیں۔ انہوں نے والدین، اسکولوں اور کالجوں کو پرنسپلز سے خصوصی طور گزارش کی کہ وہ اپنے بچوں، طالب علموں کو اس نمائش کے بارے میں جانکاری دیں اور طلبہ کو اس نمائش میں شرکت کرنے کی ترغیب بھی دلائیں۔