کشمیر: شہر خاص میں گرینیڈ دھماکہ، تین بچے زخمی

جموں و کشمیر کے ضلع سرینگر کے شہر خاص میں دھماکہ خیز مواد پھینکا گیا۔ دھماکے میں تین بچے زخمی ہوئے ہیں۔ بچوں کو معمولی چوٹیں آئی ہیں، جبکہ دو گاڑیوں کو بھی نقصان پہنچا ہے۔

اطلاعات کے مطابق مشتبہ عسکریت پسندوں نے آج شہر خاص کے کاؤڈارہ میں گرینیڈ پھینکا جس کے نتیجے میں تین بچے زخمی ہوئے ہیں۔

ذرائع نے بتایا کہ مشتبہ عسکریت پسندوں نے سی آر پی ایف اہلکار کو نشانہ بنانے کی کوشش کی تھی، تاہم یہ سڑک کے کنارے پر پھٹ گیا۔ دھماکے میں دو گاڑیوں کو بھی نقصان پہنچا ہے۔

علامتی تصویر

پولیس نے فوری طور سے علاقے کو محاصرے میں لیا اور تلاشی کاروائی شروع کر دی ہے۔

مزید تفصیلات کا انتظار ہے۔