اس کی پہلی کڑی کے تحت بس اسٹینڈ پانتھہ چوک اور برین نشاط میں دو جگہیں مخصوص کی گئی ہیں جبکہ پانتھہ چوک میں شلٹر ہوم پوری طریقے سے تیار ہونے کا دعویٰ بھی کیا گیا تھا۔
پانتھہ چوک بس اسٹینڈ میں ’’اسٹیٹ روڈ ٹرانسپورٹ کارپوریشن‘‘ سے وابستہ ملازمین نے اس کی سخت مخالفت کی۔
ای ٹی وی بھارت کے ساتھ بات کرتے ہوئے ’’جے کے ایس آر ٹی سی‘‘ JKSRTCیونین صدر وجاہت حسین نے بتایا کیا ’’یہ زمین اور اس پر کی گئی تعمیر ہماری ہے اور ہم اس کا ایک بھی انچ کسی کو نہیں دینگے۔‘‘
انہوں نے مزید بتایا کہ’’ہمارے ساتھ ہمیشہ زیادتی ہی ہوتی رہی ہے یا تو انتظامیہ کو اس محکمے کو بند کر دینا چاہیے یہ ہمارا حق ہمیں دے دینا چاہیے۔‘‘
انکا کہنا تھا کہ پانتھہ چوک بس اسٹینڈ میں بھکاریوں کے لئے گھر بنانے کی اجازت نہیں دی جائے گی کیونکہ ’’یہ زمین ہماری ہے۔‘‘
انکا کہنا تھا کہ اُس وقت ریاست کی شبیہہ پر کیا اثرات پڑیں گے جب ایک جانب بھکاری بیٹھے ہونگے اور دوسری جانب فیم انڈیا (Fame India) کے تحت اعلی قسم کی الیکٹرک بسوں میں سیاح سوار ہو رہے ہونگے۔
یونین صدر نے انتظامیہ سے اس بارے میں از سر نو سوچنے کی گزارش کی ہے۔
