مرکز کے زیر انتظام جموں و کشمیر کے گرمائی دار الحکومت سرینگر میں ہوٹیلرز ایسو سی ایشن کی طرف سے ایک پریس کانفرنس کا انعقاد کیا گیا جس جس میں انہوں نے خطے میں سیاحت کی بحالی پر اطمینان کا اظہار کیا۔
پریس کانفرس سے خطاب کرتے ہوئے ایسو سی ایشن کے صدر مشتاق احمد نے کہا کہ وادی میں اب سیاحت بحال ہو رہی ہے جو ایک خوش آئندہ بات ہے۔ اس سے وادی میں کاروبار کو فروغ ملے گا۔
سیاحوں کی آمد سے ہوٹل مالکان شادمان
مشتاق احمد نے کہا سال رواں میں سیاحوں کی تعداد میں آہستہ آہستہ اضافہ ہو رہا ہے جس سے اس شعبے سے منسلک افراد کے چہروں پر رونق لوٹ آئی ہے۔
انہوں نے کہا کشمیر میں منعقد کئے جانے والے 'کھیلو انڈیا' سے یہاں کے سیاحتی شعبوں کو نئی جہت ملے گی۔
ہوٹیلرز ایسو سی ایشن نے سیاحت کو فروغ دینے اور اسے بحال کرنے کی مسلسل کوششوں کے لئے گورنر انتظامیہ کا شکریہ بھی ادا کیا۔
