بتادیں کہ جنوبی کشمیر کے بجبہاڑہ اننت ناگ سے تعلق رکھنے والی ایک 40 سالہ خاتون جو کووڈ 19 سے متاثر تھیں، کل رات دیر گئے سرینگر کے سکمز صورہ ہسپتال میں ہلاک ہوگئیں۔
اس طرح سے جموں و کشمیر میں اس وائرس سے ہلاک شدہ افراد کی تعداد 18 تک پہنچ گئی ہے۔
سکمز صورہ اسپتال کے میں موجود کورونا وائرس کے کنٹرول نوڈل آفیسر ڈاکٹر جی ایچ یتو نے بتایا کہ اس خاتون کو کئی روز قبل ہسپتال میں داخل کیا گیا تھا-
انہوں نے بتایا کہ خاتون کا کووڈ ٹیسٹ مثبت پائے جانے کے بعد انہیں آئسولیشن وارڈ میں زیر نگہداشت رکھا گیا تھا، تاہم وہ لبلبہ سے جڑی بیماری میں شدید طور پر مبتلا تھیں۔
اس طرح خاتون کی ہلاکت کے ساتھ ہی جموں و کشمیر میں کورونا وائرس کی وجہ سے ہلاک ہونے ہونے والے افراد کی تعداد 18 ہوگئی ہے اور ہلاک شدگان میں سے 16 کا تعلق کشمیر سے ہے جبکہ دو دیگر جموں صوبے سے ہیں۔
قابل ذکر ہے کہ ضلع سرینگرمیں کورونا وائرس سے اب تک ہلاک ہونے والوں کی تعداد 5 ہے اس کے بعد بارہمولہ میں 4، اننت ناگ میں 4 جبکہ بانڈی پورہ، بڈگام، کولگام، ادھم پور اور جموں میں بالترتیب ایک ایک کی موت واقع ہوئی ہے۔
