برفانی علاقوں میں جہاز کے ذریعے کورونا ویکسین پہنچائی جائے گی

جموں و کشمیر میں برفباری کی وجہ سے منقطع دور دراز علاقوں میں ہوائی جہاز کے ذریعے کورونا ویکسین خوراک پہنچائی جائے گی۔

جموں و کشمیر انتظامیہ نے یونین ٹریٹری کے دور دراز علاقوں میں کووڈ ویکسین کی خوراک کو ہوائی جہاز کے ذریعے پہنچانے کا فیصلہ کیا ہے جو سردیوں کے دوران شدید برف باری کی وجہ سے زمینی رابطے سے منقطع ہو جاتے ہیں۔

جموں و کشمیر میں 16 جنوری کو پہلے مرحلے کے تحت 3 ہزار ہیلتھ ورکرز کو 30 بوتھوں پر ویکسین دیئے جائیں گے۔ سیرم انسٹی ٹیوٹ آف انڈیا کی جانب سے تیار کیا گیا Covisheild نامی ویکسین کی 1 لاکھ 50 ہزار انجکشن بدھ کو جموں و کشمیر پہنچیں گے۔

ذرائع نے بتایا کہ جموں و کشمیر انتظامیہ نے کہا کہ برفباری کی وجہ سے منقطع علاقوں میں کورونا ویکسین ہوائی جہاز کے ذریعے بھیج دیا جائے گا، جن میں خاص طور پر ضلع کشتواڑ، بانڈی پورہ، کپواڑہ کے کچھ علاقے شامل ہیں۔

ذرائع نے بتایا وہ تمام علاقے جو اس وقت زمینی راستے کے ذریعے منقطع ہوچکے ہیں، کو ہیلی کاپٹرز کی مدد سے ویکسین پہنچائی جائے گی اور محکمہ صحت میں کام کر رہے ملازمین کو سب سے پہلے کورونا ویکسین کی خوراک دینے کو یقینی بنایا جائے گا۔

ذرائع نے بتایا کہ اگلے دو دن کے دوران کووی شیلڈ کی ڈیڑھ لاکھ خوراک جموں و کشمیر پہنچائی جائیں گی۔ یہ ویکسین ہریانہ اور کرنال کے بجائے پونے سے براہ راست جموں و کشمیر پہنچائے جائیں گی۔

یہ ویکسین پونے سے نئی دہلی اور نئی دہلی سے جموں کے لیے فلائٹس میں بھیجی جائے گی۔

رواں ماہ کی 16 تاریخ کو ویکسی نیشن کے آغاز کے دوران وزیر اعظم نریندر مودی سے ملک بھر میں کم سے کم سات کورونا وائریز کے ساتھ تبادلہ خیال کریں گے اور توقع کی جا رہی ہے کہ ان سات میں سے ایک جموں و کشمیر سے ہوگا۔ لیفٹیننٹ گورنر منوج سنہا جموں و کشمیر میں گورنمنٹ میڈیکل کالج جموں سے ویکسینیشن مہم کا آغاز کریں گے۔

واضح رہے کہ 16 جنوری کو ویکسی نیشن کے آغاز ہو گا۔ ویکسین کو سٹور کرنے کے تمام تر انتظامات مکمل کر لئے گئے ہیں ۔ جموں و کشمیر میں 28 جگہوں پر ہیلتھ ورکروں کو ویکسین دیا جائے گا اور ہر ویکسین بوتھ پر 100 ہیلتھ ورکروں کو ویکسین دینے کی کوشش ہوگی۔