مہلک کورونا وائرس کے پھیلاؤ کی وجہ سے ہزاروں کشمیری طلباء ملک کے مختلف حصوں میں پھنسے ہوئے ہیں، طلباء تنظیم نے وزیر اعظم سے سرینگر جانے والی فلائٹ ٹکٹس کی قیمتوں کو کم کرنے کی اپیل کی ہے۔
دہرادون میں جموں و کشمیر اسٹوڈنٹس ایسوسی ایشن نے وزیر اعظم نریندر مودی اور شہری ہوا بازی کے وزیر ہردیپ سنگھ پوری سے کورونا وائرس پھیلنے کے تناظر میں طلباء کو وطن واپس آنے میں مشکلات کا حوالہ دیتے ہوئے سرینگر جانے والی پروازوں کے کرایہ کو کم کرنے کی اپیل کی ہے۔
طلباء انجمن کے رُکن ناصر کھومانی نے نریندر مودی اور ہردیپ سنگھ سے اپیل کی ہے کہ وہ فوری طور پر اس معاملے میں دخل اندازی کریں اور پھنسے ہوئے طلباء کے لیے خاطر خواہ انتظام کیا جائے۔
انہوں نے کہا کہ کرونا وائرس پھیلنے کے باعث لوگوں کی بڑی تعداد اپنے آبائی شہروں کو واپس جانے کی کوشش کر رہے ہیں ، تاہم پروازوں کی کرایہ زیادہ ہونے کی وجہ سے انہیں کافی مشکلات کا سامنا ہے
مہلوک وبا کوویڈ 19 کے پھیلاؤ کی وجہ سے ملک میں تمام اسکولز، کالج اور یو نیورسٹرز کو 31 مارچ تک بند رکھنے کا اعلان کی گیا ہے۔
بتا دیں کہ مرکزی علاقہ جموں و کشمیر میں 4 مثبت کیسز سامنے آئے ہیں، جن میں سے 1 وادی کشمیر میں جبکہ دیگر 3 خطہ جموں میں آئے ہیں۔ ادھر مرکزی علاقہ لداخ میں کُل 13 کیسز مثبت سامنے آئے ہیں۔
پورے ملک میں مجموعی طور پر کورونا وائرس کے 396 مثبت کیسز سامنے آئے ہیں، جن میں ابھی تک 7 لوگوں کی موت ہوئی ہے۔
