جموں و کشمیر کے گرمائی دارالحکومت سرینگر میں آج بارڈر سکیورٹی فورسز نے آدتیہ مہتا فاونڈیشن کے تعاون سے پیرا سائیکلنگ ریس کا انعقاد کیا، جو سرینگر کے مشہور مغل باغ نشاط سے کنیا کماری تک جائی گی۔
پیرا سائیکلنگ ریس میں ان معذور افراد نے شرکت کی جنھوں نے ملک کی حفاظت کرتے ہوئے اپنے جس کے کسی بھی حصے کو کھودیے تھے، انھیں کی حوصلہ افزائی کے لیے اس ریس کا انعقاد کیا گیا ہے۔
ریس تقریب میں ڈی جی بی ایس ایف راکیش استھانہ بطور مہمان خصوصی کے طور پر شرکت کی اور انھوں نے ہی ہری جھنڈی دکھا کر ریس کا آغاز کیا۔
ڈی جی راکیش استھانہ نے کہا کہ بارڈر سکیورٹی فورسز کا ہمیشہ سے ہی یہی مقصد رہا ہے کہ وہ معزور لوگوں کی زیادہ سے زیادہ مدد کرنے کے لیے آگے رہے، جبکہ ہم یہ ریس گزشتہ کئی برسوں سے منعقد کر رہے ہیں، اس ضمن میں اس برس ہم اس ریس کا انعقاد کشمیر کے ڈل جھیل سے کیا ہے جو کنیا کماری تک جائے گی۔
پیرا سائیکلسٹ نے کہا کہ کشمیر میں پیرا سائیکلنگ ریس کا انعقاد ہونا ایک خوش آئند قدم ہے، جس سے یہاں کے معذور نوجوانوں کو بھی ہمت اور حوصلہ ملے گیا۔
