سرینگر: کشمیر کے واحد بڑے نفسیاتی ہسپتال انسٹی ٹیوٹ آف مینٹل ہیلتھ اینڈ نیورو سائنسز سرینگر میں طبی، نیم طبی اور درجہ چہارم کی 50 فیصد اسامیاں خالی پڑی ہے۔ ایسے میں ہسپتال میں تدریسی،غیر تدریسی اور درجہ چہارم کی 320 اسامیاں منظور شدہ ہیں۔لیکن ان میں سے صرف 160 پر ملازمین کام کر رہے ہیں جبکہ 160 اسامیاں خالی پڑی ہیں۔
اعداد و شمار کے مطابق ہسپتال کے تدریسی عملے میں 17 ،غیر تدریسی عملے کی 71 اور درجہ چہارم کی 65 اسامیاں خالی ہیں۔ہہسپتال میں پروفیسر کی 5 اسامیاں منظور شدہ ہیں،جن میں سے ایک خالی پڑی ہے۔ایسوسی ایٹ پروفیسر کی17 اسامیاں منظور شدہ ہیں،جن میں 5 اسامیاں خالی پڑی ہیں۔
مزید پڑھیں: Mental Diseases ذہنی امراض سے بچنے کیلئے سات چیزوں پر عمل پیرا رہنا ضروری
اسی طرح تدریسی عملے میں اسسٹنٹ پروفیسر کی 8 اسامیاں منظور شدہ ہیں اور ان میں ایک اسسٹنٹ پروفیسر تعینات ہے جبکہ 7 ایسی اسامیاں خالی ہیں۔ہسپتال انتظامیہ کی 13 اسامیوں میں سے 7 خالی ہیں۔ جن میں ایک ڈپٹی میڈیکل سپرانٹنڈنٹ کی اسامی بھی شامل ہیں،جبکہ میڈیکل آفیسر کی منظور شدہ 8 اسامیوں میں سے 4 خالی ہیں۔ وہیں غیر تدریسی عملے کی 150 اسامیوں میں سے79 پر ڈاکٹر تعینات ہیں جبکہ 71 اسامیاں خالی پڑی ہیں۔ادھر ہسپتال میں سینئیر گریڈ اور جونئیر گریڈ نرسوں کی بھی 30 اسامیوں میں سے 12 خالی پڑی ہیں۔
