پلوامہ میں تیندوے کی موجودگی سے علاقے میں خوف کا ماحول

پلوامہ میں چیتے سے لوگوں میں خوف کا ماحول ہے۔ محکمہ وائلڈ لائف نے اسے پکڑنے کی کوشش کی تاہم وہ بھاگنے میں کامیاب رہا۔

پلوامہ : ضلع پلوامہ کے کاچھپورہ علاقوں میں تیندوے کی موجودگی کے بارے میں اطلاع ملنے کے بعد محکمہ جنگلی حیات کی ٹیم چیتے کو پکڑنے کے لیے علاقے میں متحرک ہوگئی تاہم تیندوا بھاگنے میں کامیاب ہوگیا۔ پلوامہ کے کاچھ پورہ میں تیندوے کی موجودگی سے لوگوں میں خوف و ہراس کا ماحول ہے۔ محکمہ وائلڈ لائف پروٹیکشن فورس کی ٹیم نے چیتے کو پکڑنے کی پوری کوشش کی اور محمکہ کے ملازمین نے چیتا کو ڈاٹ بھی لگایا تاہم ڈاٹ لگانے کے باوجود وہ بھاگنے میں کامیاب ہوگیا اور تیندوے کو پکڑنے کی کوشش ناکام ہوئی تاہم اسے جاری رکھا گیا ہے۔

علاقہ کے لوگوں کا کہنا ہے کہ علاقے میں تیندوے کی موجودگی سے خوف و ہراس کا ماحول ہے جس کی وجہ سے لوگوں کا گھروں سے باہر نکلنا مشکل ہوگیا ہے اور محکمہ جنگلی حیات چیتے کو پکڑنے کی کوشش کررہا ہے۔ وائلڈ لائف پروٹیکشن ٹیم کے انچارج مدثر احمد بٹ نے بتایا کہ تیندوے کا سراغ لگانے کے لیے آپریشن جاری ہے اور جلد ہی تیندوے کو پکڑ لیا جائے گا، جس کے بعد اسے جنگل کے علاقہ میں چھوڑ دیا جائے گا۔

انہوں نے کہا کہ ٹیم مسلسل کوششوں میں لگی ہوئی ہے اور لیپرڈ پر ٹرنک فائر کرنے میں کامیاب رہی۔ انہوں نے علاقے کے لوگوں سے اپیل کی کہ وہ تیندوے کا سراغ لگانے تک محتاط رہیں۔ اطلاع کے مطابق چیندوے کو پکڑنے کی کوششوں کے دوران محمکہ کا ایک ملازم معمولی زخمی ہوگیا۔